Khot thep aplikeshon ban die rashon ha Amlarem Subdivision

0

Ka Ophis jong ka Addl. Deputy Commissioner (Supply), Subdivision of Amlarem ka la pynbna paidbah sha baroh ki Nongdie Khaw Rashon (FPS Distributors) bad Nongdie Umphniang Sharak (SK Oil Retail) ba ka jinglong Dealer/Retailer kan kut noh ha ka 31.12.2022. Kumta ha kajuh ka por ruh ka khot application biang na ka bynta u snem 2023-2027 (San Snem), kat kum kine ki jingbthah harum:

  • U dei ban long u ba shong ba sah hapoh ka state Meghalaya bad kumjuh ruh ki ba la shong la sah ha kata ka shnong la kumba 10 (shiphew) snem.
  • U dei ban ioh ia ka jingmynjur na ka Dorbar Shnong bad ruh ka Vigilance Committee jong kata ka shnong.
  • U dei ban long u briew u ba nang ban thoh bad ban pule.
  • U FPS lane SK Oil Dealer um dei ban long u Waheh Shnong, Secretary lane u Member jong ka Executive Committee jong ka shnong.
  • Lada shah jied, u Dealer u dei ban buh ia ki tiar thew (electronic scale) ki ba la pynshisha da ka Department of Meteorology.
  • Ka dei ban long ka jaka ka bym don jingthut ha ka ba iadei bad ka jingbuh ia ki mar Rashon lane Umphniang Sharak.
  • Ka jingioh jingkot bad ka jingtrei imlang sahlang jong u FPS/SK Oil Dealer ki dei ban long ki ba la mynjur da ka shnong.
  • U FPS/SK Oil Dealer u dei ban don ia ka Food Safety License bad la da ym don dei ban apply sha ki ophis ba ia dei bad katei ka License.
  • Ka bhah jong ki nongioh jingmyntoi ha ka shnong dei ban don palat ia ka 10 (shiphew) Quintals lane Kiloliters ha ka ba ia dei bad ka rashon lane ka umphniang sharak.
  • Ia u/ka Nongdie Khaw rashon (FPS dealer) bad Nongdie Umphniang Sharak (SK oil retailer) dei ban khot Application da kaba pynbnapaidbah ha ki shnong ki shnong jong phi.
  • Ki ba Apply ki dei ban long ki Riewshimet (Individual) Nongtrei mon sngewbha ha ki shnong ki shnong (SHG) bad Co. Operative Society.
  • Ki dei ruh ban suhlang ia ki dur jong ki 2 tylli, ka EPIC, ka Residence Certificate, Schedule Tribes (ST) Certificate bad ban da tah da ka Court Fee Stamp kaba Rs. 25 tyngka ha khlieh jong ka Application ryngkat ka list jong ka Vigilance Committee na ka bynta u snem 2023-2027 ia ka ba la jied da ka Dorbar Shnong lyngba ka Executive Committee.
  • Baroh ki FPS Dealers/SK Oil Retailers ki dei ban bud ryntih ia ki Guidelines ba la buh da ka Sorkar na ka bynta ki FPS Dealers/SK Oil Retailers.
  • Baroh ki nongsam khaw/umphniang sharak ki dei ban don ia u Aadhaar Number bad ruh ban pyndonkam da ka kor e – POS. Ki FPS Dealer ki dei ruh ban ia treilang bad ka ophis ban lum ia ki Aadhaar Number bad Mobile Number jong ki nongbam khaw na ka Skim AAY & PHH (NFSA).
  • Baroh ki Nongdie Umphniang Sharak hadien ba la dep ai ia ka Appointment order ki dei ruh ban thep ia ka Challan ka ba Rs. 10.00 (Shiphew tyngka) ia u ba thymmai (Fresh) bad Rs. 5.00 (San tyngka) ia u ba rim (Renew) da ka Treasury Challan katkum ka Account Manager iaka ban ai bad kdew da ka ne ka ophis.

Ia baroh ar ki Application lah ban ioh na ka ophis jong ka Addl. Deputy Commissioner (Supply), Amlarem Subdivision, ha ki sngi bad por long trei, bad ban submit pat hapoh ka 30 tarik u bnai September 2022 khlem pep. Yn nym pdiang shuh ia kino kino ki application hadien ka tei kaTarik ba la buh haneng khlem ki daw ki ba shongnia bad kin duh noh ia ki bhah rashon jong ki da ka jingleh bymsuidniew jong ki Dorbar Shnong.

'src=

Syllad | The rising Meghalaya

Syllad is a fully digital news portal of Meghalaya. With the slogan “Syllad-The Rising Meghalaya”, Syllad brings the voices of Meghalaya to the rest of the world.

Share.

Comments are closed.